Damang

Hene kawan ulun hala nyanturui anri gawi erang ka ulun Damang. Naan sa mina tugas damang yeru adalah tukang adu / ngampi darangan ulun. Kamulek naan pada sa ngantuh, Damang iru identik anri Agama Sadi / Dahulu atawa agama Kaharingan. Padahal sabujur ni erang kaulun Damang iru iuh teka agama inun pun, inun hanya Hakey, Karisten, Hindu, Budha atawa agama Hindu Kaharingan.

Tugas atawa gawi erang kaulun Damang adalah mamimpin katuluh unsur adat yang wilayah tumpuk ni asing-asing hang wuang lingkup Kedamangan ni. Hanye ba tanggung jawab ma Pamarintah daya hanye na angkat daya pamarintah mitah pilaku'an Dewan Adat Dayak hang daerah ni. (iru sa berlaku itati hang tata aturan  Adat).

Lagu Rohani Bahasa Maanyan

Iti syair lagu Rohani khusus Kristen pakai Bahasa Maanyan :

Judul : Negei Salib Ni

Ineh..u...Amah, An'ni-Tata, Tutu-Mama
Sasameh Takam Negei Salib Ni

Usah Adingan, Pamelum Takam Tuhan Nyinrah
Daya Lelu Ahi Ni..Palajur...

Lagu Bahasa Maanyan

Iti leut erang ka wua syair lagu bahasa ma'anyan.

Judul : INEH

Huh Hureh Ineh, Anak Nu Taati, Tu'u Kasungu Hanyu
Hi Ineh Hang Yari, Anak Nu Hang Yati, Tu'u Lawit Tane Ranu

Itung Ku Sadi, Tek Aku Tulak Metak Riu Mate Nu
Daya Hante Sinta Nu, Daya Hante Kalelu Nu, Hampi Aku Anak Nu

Reff.

Kalelu Nu Ineh, Isa Kalelu Sa Puang Paganti
Laluhu Nu Ineh, Isa Laluhu Sa Puang Pawu'i

Biar.. Anri Riu Mate Ira, Anri Ranu Amas, Puang Eleh Paganti
Biar..Anri Riu Mate Ira, Anri Ranu Amas, Puang Eleh Pawu'i

Kakau Taniran

Kakau Taniran sa welum hang jumpun Kalimantan, adalah erang ka kakau isa na karamatkan daya suku dayak. Daya gana iru, kakau taniran na naan kakuatan hukum ni hang wuang adat. Singkat sarita, kakau taniran iti amun hang jaman sadi sa lawit pi tum'mangan ni, kakau ina adalah ampun teka tane iru. 

Udi hie hang Jaman itati, amun puang hala, aturan sa na sepakati hang wuang hukum adat, kakau taniran yena menguasai hak atas tane uneng ni minri sa lebar kawan ra'an unengan kawan rawen ni welum. 

Jari, walaupun naan ulun isa baisi atawa ampun tane hang areal unengan kakau taniran iru minri kude sa huan yeru kakau taniran in'na haut lawah na palihara daya ulun lain sa puang ampun tane iru, maka aturan ni, inun pun sa hasil weluman hang kakau taniran iru (lana ni unengan wani madu itudi / muneng) adalah hak sa ampun singu-palihara teka kakau iru.